Kategorie: Seminare

Woke-ism het baie relevant geword vir ons die afgelope jaar. In die eerste plek was daar die pogings om Shaun Christie te skors aan die NWU omdat hy geprotesteer het teen die gedwonge Woke indoktrinasie waaraan eerstejaar studente blootgestel is.

Ten Tweede het ons opgemerk dat die verkiesing van die Trump administrasie daartoe gelei het dat Elon Musk aangestel is as die hoof van die Department of Government Efficiency. Sommiges was verbaas dat hy onmiddelik al die Woke regerings programme (DEI) gestaak het. Dit behoort egter nie verbasend te wees indien mens opgelet het dat hy die afgelope jare hewig anti-Woke geword het en selfs uitsprake gemaak het soos “The Woke Mind Virus is killing Western Civilization” en “Most people don’t understand that their minds can be taken over by a virus, just like a computer virus takes over your computer. The Woke mind virus is like Cordyceps.”

Die VCHO en Pactum Instituut gaan ‘n aanlyn seminaar hou waartydens Woke-ism bespreek gaan word 24 Mei 2025 vanaf 08:15-11:30. Hier is die skakel: https://www.youtube.com/@VCHOnderwys/streams en hierdie onderwerpe sal hanteer word deur die verskillende sprekers:

08:15 Opening : Rom 11:33 – 12:3 : Prof HG Stoker
08:30 Wêreldwye manifestasies : FA van Deventer
09:00 Herkoms van Woke-ism : Ds Dubois du Toit jr
09:30 Implikasies van Woke-ism moraliteit : Dr Barend Hefer
10:00 Stryd vir die waarheid in Onderwys : Dr Adi Schebusch
10:30 Vrae & Antwoorde

Sprekers:

Henk Stoker
Henk Stoker is rektor van die Teologiese Skool Potchefstroom van die GKSA, asook professor in Apologetiek en Etiek aan die Fakulteit Teologie van die NWU. Hy is ook die programleier van die BDiv & BTh Hons grade.

Francois van Deventer
Francois het sy M.Fil in Toegepaste Etiek voltooi aan die Universiteit van Stellenbosch nadat hy sy B.Sc verwerf het aan die UP. Hy is met Tina getroud en hulle het 12 kinders en twee klein kinders. Hy hou van lees, fotografie en ontdek van nuwe dinge en plekke.

Dubois du Toit jr
Hy is predikant by Suiderhof NG Gemeente (Windhoek). Hy is getroud met Elida en het ‘n sesjarige seun. Dubois het in 2015 sy M.Th voltooi en is tans besig met sy PhD onder leiding van proff. HG Stoker en Riaan Rheder. Dubois geniet gym, fietsry en rekenaarspel.

Barend Hefer
Barend is getroud met Estelle en hulle het drie seuns. Hy is die predikant van die Afrikaanse Gereformeerde Protestantse Kerk en ‘n lektor aan die Afrikaanse Protestantse Akademie. Hy het ‘n PhD in Grieks verwerf aan die NWU. 

Adi Schlebusch
Adi Schlebusch is die direkteur van die Pactum Instituut wat Bybelgetroue boeke en akademiese artikels publiseer. Hy is betrokke by die AP Akademie en BCVO. Hy is getroud met Lize en hulle het vier kinders. Hy verwerf die grade PhD (Teologie), MA Fil, BA (Latyn), BA(Teologie)

Pactum Instituut
www.pactuminstitute.com

Vereniging vir Christelike Hoër Onderwys
www.vcho.co.za

Die BELA wetgewing is op 26 Oktober verlede jaar deur die parlement aanvaar. Hierdie wetgewing kan radikale nagevolge inhou vir onderwys in Suid-Afrika.

Die staat poog om onderwys totaal te sentraliseer onder sy beheer. Ons weet dat ons humanistiese staat glad nie vriendelik teenoor die Christelike wêreldbeskouing staan nie en daarom kan verwag word dat die humanistiese wêreldbeskouing al meer en meer deur die staat op ons kinders afgedwing gaan word.

Daar is by hierdie Seminaar ingefokus op die verskillende aspekte wat onderwys in ‘n krisis dompel en wat die Christelike antwoorde daarop is.

Program en Sprekers:

• 08:00 Ds Pieter le Roux – Opening
• 08:10 Pieter van Deventer – Die doopbelofte, die gesin, en onderwys
• 08:40 Dr Adi Schlebusch – Marxistiese Opvoedkunde en die Christelik-Reformatoriese antwoord
• 09:10 Dr Johan Otto – Die belang van die kerk by Gereformeerde Onderwys
• 09:40 Bespreking
• 10:10 Tee
• 10:50 George Bester – Die Beweging vir Christelik-Volkseie Onderwys se werk ter wille van ons verbondskinders en tot eer van God.
• 11:20 Bouwe van der Eems – Tuisonderrig: ‘n bybelse model en ‘n beter alternatief
• 11:50 Dr Albertus Breytenbach – Afrikaanse Protestantse Akademie : Evalueering van die heersende stand van Onderwys van uit Reformatoriese perspektief
• 12:20 Bespreking
• 13:00 Middagete

Ds Pieter le Roux	Pieter is predikant van die Gereformeerde Kerk Wonderboompoort. Hy is gelukkkig getroud en hy en Karyna is die ouers van 5 kinders.
Dr Johan Otto	Johan is predikant van die Hervormde Kerk te Cullinan. Hierdie gemeente het in 2012 weggebreek van die Hervormde kerkverband en vorm deel van die Geloofsbond van Hervormde Gemeentes. Hulle glo dat die Bybel die Woord van God is: Die mens is na die beeld van God geskape, Die kerk moet die evangelie verkondig, Vergifnis deur Jesus Christus se versoeningsdood, Huwelik tussen man en vrou, Sola Scriptura.
Pieter van Deventer	Pieter is sesde jaar Teologiese student aan die Afrikaanse Protestantse Akademie. Hy is lidmaat van AP Kerk Moot Sentraal en redakteur van die Bybelse Apologetiek Kanaal. Hy is gelukkig getroud met Amy. Hy verwerf in 2023 die graad BDiv.
Dr Adi Schlebusch	Adi Schlebusch is die direkteur van die Pactum Instituut wat Bybelgetroue boeke en akademiese artikels publiseer. Hy is betrokke by die AP Akademie en BCVO. Hy is getroud met Lize en hulle het drie kinders. PhD (Teologie), MA Fil, BA (Latyn), BA(Teologie)
George Bester	George Bester matrikuleer in 1989 aan Gelofte Hoërskool in Pinetown, Natal. As gereformeerde en behoudende Afrikanerkind in ‘n oorgrote Engelse omgewing het hy van vroeg af geleer wat dit beteken om vir sekere ononderhandelbare waardes en beginsels op te staan. Sy ouers is stigterslede van die Afrikaanse Protestanse Kerk in 1987 en hy is tans steeds lidmaat van die AP Kerk. Hy studeer aan die Universiteit van Pretoria waarna hy en sy vrou Liza begin boer op hul plaas in die Swartruggens distrik met beeste en wild. Hul drie kinders het skoolgegaan by die Cristelike Volkseie Onderwys skool in Derby en Orania.  George word in 2011 verkies op die BCVO se Direksie waar hy as Streeksdirekteur vir Noordwes en later vir Noord-Kaap dien. Hy dien ook vir etlike jare as Direkteur gemoeid met Kultuur. In 2021 word hy verkies as Voorsitter van die BCVO Direksie en dien huidiglik nog in hierdie posisie.
Bouwe van der Eems	Bouwe en sy vrou (Debbie) het hulle 5 kinders tuis opgevoed sedert 2000. In 2002 het hy betrokke geraak by tuisonderwysorganisasies toe hy trustee geword het van die Pestalozzi Trust, ‘n regsfonds vir tuisonderwys. Hy het ook ‘gedien in die besture van die Vereniging vir Tuisonderwys en Cape Home Educators. In 2016 het hy voorsitter geword van die Pestalozzi Trust. Hy en sy gesin het die platform Tuisskolers.Org gebou om dit makliker te maak vir ouers om met tuisonderwys te begin. Hulle werk ook met Kragdag om tuisonderwys ekspo’s te organiseer. Bouwe is ‘n geregistreede professionele ingenieur en het ‘n MSC graad in elektroniese ingenieurswese by die Universiteit van Stellenbosch verwerf en werk as ‘n stelsel argitek in die IT industrie. Hy en sy gesin woon in Kaapstad en hy is ook ‘n aktiewe lid van die plaaslike inwonersverenigings en in musiekaktiwiteite. Hy is tans lid van die Vrye Gemeente Kaapstad.
Dr Albertus Breytenbach	Albertus is die Afrikaanse Protestantse Akademie se Program koördineerder van die NGOS program.

RSVP vorm om te registeer vir die seminaar